Жозе Мурињо се врати во Реал Мадрид. Веста ја потврди и португалскиот клуб Бенфика.
Реал Мадрид плати 15 милиони евра за да го ослободи Мурињо од договорот со Бенфика.
„Бенфика објавува дека Реал Мадрид ја формализираше намерата да го потпише Жозе Мурињо за 15 милиони евра и тренерот даде согласност. Ви благодарам, Жозе Мурињо“, напиша Бенфика на својата официјална веб-страница.
Бенфика го доведе тренерот Марко Силва како замена за Мурињо.
Мурињо во Реал Мадрид ќе го замени Алваро Арбелоа.
63-годишникот го водеше Реал од 2010 до 2013 година. Тој ја освои Ла Лига во сезоната 2011-12, Купот на кралот во сезоната 2010-11 и Суперкупот на Шпанија во 2012 година.
