Тренерот на Барселона, Ханси Флик може да смета на услугите на дефанзивецот Иниго Мартинез за дуелот против Борусија Дортмунд.
Барса е домаќин на Дортмунд во среда од 21:00 часот во првиот натпревар од четвртфиналето на Лигата на шампионите. Реваншот се игра на 15 април.
Мартинез го пропушти последниот натпревар на Барса во Примера против Реал Бетис поради полесна повреда на мускулот.
„Мундо Депортиво“ објави дека Шпанецот Мартинез го одработил тренингот во вторник и ќе биде подготвен за натпреварот.
На Барса поради повреди ќе недостасуваат Дани Олмо, Марк Бернал, Марк Касадо и Марк-Андре тер Штеген.
Мартинез е многу важен за Барса оваа сезона.
33-годишниот фудбалер постигна три гола и направи пет асистенции на 37 одиграни натпревари.
