Тибо Куртоа покажа одлична форма, но сепак не можеше да го спаси Реал Мадрид од пораз.
Во вторник вечерта на „Енфилд“, Реал Мадрид претрпе пораз од Ливерпул со 1-0. Овој натпревар беше дел од четвртото коло од Лигата на шампионите. Всушност, тоа е еден од главните натпревари од лигашката фаза во елитното европско натпреварување.
Англиските шампиони доминираа во шансите што ги создадоа, но голманот Куртоа беше незапирлив. Ливерпул, сепак, го постигна победничкиот гол во 61-вата минута. Алексис Мек Алистер со глава ја погоди топката по моќен центаршут од Доминик Собослај за резултат од 1-0.
Бројките не се променија, иако мадридскиот тим го зголеми притисокот и до крајот бараше израмнување.
Мадрид го претрпе првиот пораз по три последователни победи. За Ливерпул тоа беше трета победа. Со оваа победа, тимот на Арне Слот даде дополнителни знаци дека ја надминува длабоката криза што ги мачеше во изминатиот месец.
