Ливерпул на тренерот Арне Слот постигна убедлива победа во среда навечер, во натпреварот од седмото коло од фазата во Лигата на шампионите.
„Црвените“ го победија Марсеј со 3-0 на гостински терен.
Доминик Собослај вешто реализираше слободен удар во првата минута од судиското продолжение на првото полувреме.
Џеронимо Рули си постигна автогол за 2:0 во 72-та минута, додека Коди Гакпо во 93-та минута го одлучи конечниот резултат.
Ливерпул со победата го зазема четвртото место со 15 бода, исто колку и третопласираниот Реал Мадрид.
Марсеј останува на 19-то место со девет бода.
