Косово во Шпанија за историски успех

Голманот Аријанет Муриќ ќе биде едно од најважните отсуства на Косово на реваншот против Исланд во Шпанија. Поради повреда ќе отсуствува Муриќ, кој беше еден од најдобрите во победата од 2:1 во Приштина во четвртокот. Но првиот голман на Косово нема да биде единственото отсуство на „дарданците“. Таму поради повреда нема да биде ниту Донат Рудани. Ваљон Бериша е суспендиран. Сите тројца беа стартери во првиот натпревар од плејофот во Лигата на нации. И покрај значителните пропусти, Косово цели кон нова победа и пласман во Лигата Б од Лигата на нации за следното издание. Но, за да излезе како победник од теренот на стадионот „Енрике Рока де Мурсија“ во Мурсија, Шпанија, косовскиот селектор Франко Фода бара максимална посветеност и концентрација во текот на целиот натпревар против Исланѓаните. Натпреварот Исланд - Косово се игра во недела од 18 часот.

„Исланд е селекција која има добри играчи, особено во офанзивен аспект. За нас ќе биде многу важно како ќе играме кога Исланд ќе ја има топката. Начинот на кој ќе реагираме и енергијата со која ќе се бориме за да ја вратиме топката, може да биде одлучувачки за епилогот од натпреварот сабота. 

Тој зборуваше и за отсуствата што ќе ги има Косово во недела навечер. 

„Имаме уште еден тренинг и ќе разговараме со голманите што ги имам на располагање и ќе донесеме одлука кој од нив ќе биде на мечот со Исланд. Шансите на овој меч се 50 спрема 50. Тоа се докажа на првиот меч, кој беше прилично блиску“, изјави Фода. 

Покрај германскиот селектор на прес-конференцијата беше и напаѓачот Ведат Муриќи. Муриќи истакна дека Косово мора да одигра уште еден натпревар со борбеност. 

„На многу други натпревари игравме без играчи, како Амири, Милоти или јас. Но тимот покажа добри перформанси. Верувам дека и овојпат и покрај отсуството на Аро, Донати и Валони, тие што ќе играат ќе го дадат својот максимум“, изјави Муриќи. 

Муриќи очекува тежок натпревар против Исланѓаните, но вели дека тој и неговите соиграчи се подготвени за уште еден голем предизвик. 

Подготвени сме за утре. Анализите ќе ги правиме на денот на натпреварот. Сепак, можам да кажам дека Косово е подготвено за пласман во Лигата Б“, изјави Муриќи. 

По натпреварот со Исланд, Косово на 6 јуни ќе има пријателска средба со Ерменија. Потоа се чекаат натпреварите од квалификациите за Светското првенство во 2026 година. 

Косово е во квалификациската група Б со Шведска, Швајцарија и Словенија. 

Тие ја започнуваат својата квалификациска кампања против Швајцарија на гости на 5 септември, а квалификациите за Светското првенство 2026 година ги завршуваат на домашен терен на 18 ноември.