Турскиот фудбалски клуб Анкарагучу застана во одбрана на својот поранешен претседател Фарук Коџа, откако беше осуден на затворска казна за физички напад на судијата. пренесува „Би-Би-Си“.
Во понеделникот, судот во главниот град на Турција, Анкара, го осуди 60-годишниот на три години и седум месеци затвор за „намерно повредување јавен службеник“.
Коча доби и една година условна затворска казна за упатување закани и кршење на законите поврзани со насилството во спортот.
Поранешниот претседател на Анкарагучу Коча го удри судијата Халил Умут Мелет по ремито 1:1 со Ризеспор во декември 2023 година. Турскиот судија се здоби со скршеница на окото од ударот на Коча.
Мелер падна на теренот, а потоа беше удрен од три други лица.
Во соопштението објавено по казната, претседателот на клубот Анкарагучу, Исмаил Мерт Фират, рече дека „невозможно е да се протолкува дека казната е донесена за добра намера“.
Тој рече дека не е извршено „никакво грозоморно надворешно злосторство“ и го обвини судот дека се поклонува пред пристрасното јавно мислење.
Анкарагучу ја потврди својата поддршка за Коча, наведувајќи го неговиот придонес за турскиот фудбал. Тој го нарече легенда поранешниот претседател кој три години го водеше клубот.
Клубот оцени дека казната е непропорционална, бидејќи Коча поднесе оставка и јавно се извини по нападот. Турската федерација го суспендираше фудбалот на една недела по тешкиот инцидент и му изрече доживотна забрана на Коча. За инцидентот Анкарагучу беше казнет со над 50 евра и беше принуден да одигра пет натпревари на домашен терен без присуство на навивачи.
Уште три лица вклучени во нападот добија условни казни од 15 месеци затвор до пет години.
Се очекува сите осудени да поднесат жалба на одлуката на судот. Коча нема да биде испратен во затвор додека највисокиот суд не одлучи за каква било жалба.
