Косово на вториот меч против Исланд ќе биде без првиот голман Аро Муриќ и крилото Донат Рудани.
Муриќ и Рудани нема да патуваат во Шпанија каде ќе се одигра реваншот од плејофот на Лигата Б.
Ова во петокот го соопшти ФФК.
„Голманот Ариџанет Муриќ и играчот од средниот ред Донат Рудани нема да патуваат со репрезентацијата на Косово за Шпанија на реваншот против Исланд, поради повредите здобиени на синоќешниот натпревар на стадионот „Фадил Вокри“. Дарданците попладнево патуваат за Мурсија, каде во недела ќе се одигра натпреварот Исланд-Косово“, соопштија од ФФК.
