Fulhami dhe Manchester Unitedi e kanë vazhduar krizën e rezultateve në elitën e futbollit anglez.
Të dy skuadrat të dielën në xhiron e pestë të Premier Leagues morën nga një pikë, pas barazimit 1:1.
Fulhami vazhdon të mbetet pa fitore në elitën angleze, derisa Unitedi mbetet pa fitore në tri xhirot e fundit.
Të dy golat e ballafaqimit u shënuan nga futbollistët e Unitedit.
Lisandro Martinez realizoi autogol në minutën e 63-t dhe i dha epërsinë Fulhamit, 1:0. Nga humbja “djajtë e kuq” i shpëtoi Matheus Cunha, me golin e minutës së 89-të.
Unitedi i 12-ti mbetet me pesë pikë nga po aq ndeshje të luajtura, derisa Fulhami i parafundit ka vetëm dy pikë.