Реал Мадрид во понеделник вечерта одлучи да се раздели со шпанскиот тренер Чаби Алонсо по меѓусебен договор.
Заминувањето на Алонсо дојде по поразот на Реал Мадрид од Барселона во финалето на шпанскиот Суперкуп во неделата.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеАлонсо реагираше еден ден подоцна, изговарајќи ги своите први зборови по напуштањето на кралскиот клуб.
„Ова поглавје од мојата кариера заврши, а не заврши како што се надевавме. Тренерството на Реал Мадрид беше чест и одговорност во исто време. Им се заблагодарувам на клубот, на играчите и, пред сè, на навивачите и на мадридската заедница за нивната доверба и поддршка. Си заминувам со почит, благодарност и гордост што дадов се од себе“, напиша Алонсо.
Сега, наместо Алонсо, на чело на техничкиот штаб на „Лос Бланкос“ е Алваро Арбелоа, кој беше тренер на вториот тим на Мадрид од јуни минатата година.
44-годишниот Алонсо го презеде Реал на 1 јуни минатата година.
Шпанецот го предводеше Реал во 34 натпревари, забележувајќи 24 победи, четири нерешени резултати и шест порази.