Фудбалската федерација на Косово во вторник реагираше на насилството прикажано на натпреварот во Дечан. Срамни сцени беа забележани на натпреварот меѓу Дечани и Призрен кој и припадна на Втората лига.
„Фудбалската федерација на Косово најостро реагира и остро го осудува инцидентот што се случи на натпреварот од втората недела во Втората лига, помеѓу КФ Дечани и КФ Призрен.
Неспортското однесување кое на оваа средба прво го покажаа дел од играчите на КФ Дечани, а потоа и играч на клубот од Призрен (кој направи дејствија што се коси со духот на спортот), се неприфатливи и целосно спротивни на фудбалските вредности.
Уште повознемирувачка беше ескалацијата на ситуацијата што следеше, каде тепачката меѓу фудбалерите на теренот се влоши со вмешаност на цивили, кои ги нападнаа фудбалерите на призренскиот клуб.
ФФК нема да толерира насилство во фудбалот во која било форма и бара сите инволвирани во овој инцидент да одговараат.
Воедно, ФФК бара од своите соодветни комисии да преземат ригорозни мерки против сите оние кои ги прекршиле правилата на игра и спортската етика, согласно важечките прописи.
ФФК е посветена на промовирање на безбедна и фер средина во косовскиот фудбал, каде што се почитуваат принципите на „фер-плеј“ и почитување меѓу клубовите.
Ваквите инциденти немаат место во нашиот фудбал и ќе направиме се да ги спречиме во иднина“, напиша тој во реакцијата на ФФК.
ВИДЕО:
