Англискиот фудбалски сојуз покрена истрага откако англиските навивачи се пожалија дека грчката полиција употребила солзавец кон нив пред почетокот на натпреварот Грција-Англија.
Англија во четвртокот навечер ја совлада Грција со длабоки 3:0. Натпреварот се одигра во Атина и важеше за групата 2 од Лигата Б од Лигата на нации.
За поддршка на Англија на натпреварот против Грција имаше 3500 навивачи.
Свесни сме дека некои наши навивачи имаа тешко искуство надвор од теренот и добиваме повеќе информации за тоа што точно се случило, изјави портпаролот на англиската ФА, пишува во петокот Ројтерс.
Во групата водат Англија и Грција со по 12 бода.
„Трите лава“ во недела го имаат последниот натпревар против Ирска. Во недела и Грција игра против Финска.
Слични статии