Доколку решат да не го ангажираат англискиот напаѓач Џејдон Санчо, Челзи ќе мора да му плати на Манчестер Јунајтед 5 милиони евра.
Санчо минатото лето дојде во Челзи на позајмица до крајот на оваа сезона. Тој беше позајмен од Јунајтед.
Во потпишаниот договор има клаузула за задолжително купување на картонот на Санчо за 25 милиони евра.
Би-Би-Си во понеделникот објави дека сепак постои клаузула која ќе му овозможи на Челзи да го врати Санчо на Олд Трафорд, под услов да му плати на Јунајтед 5 милиони евра обештетување.
Се дознава дека раководството на Челзи се уште нема одлучено дали ќе го купи картонот на Санчо.
24-годишниот фудбалер има договор со Јунајтед до 2026 година.
Крилниот напаѓач Санчо оваа сезона придонесе со два гола и шест асистенции на 29 натпревари.
