Мергим Бериша заработи тешка повреда во ноември минатата година, при што му ги скина лигаментите на коленото.
Оваа повреда го оддалечи речиси една година. Албанскиот напаѓач минатиот викенд се врати на теренот за Хофенхајм.
Тој влезе во игра во 78. минута во победата на гости кај Вирцбургер Кикерс, во првото коло од Купот на Германија.
Победата беше постигната по изведувањето на пенали, 5:3, откако редовното време и продолжението завршија 2:2.
Бериша го реализираше вториот пенал за Хофенхајм.
Тренерот на Хофенхајм, Пелегрино Матарацо на прес-конференцијата во четвртокот зборуваше за враќањето на Бериша.
„Играше против Вирцбург повеќе од планираното. Имавме противник кој се бранеше силно, но друга димензија на играта се игра во Бундеслигата. Доколку Бериша може да игра 60 минути, тој е кандидат за стартер на претстојните натпревари. Но, ќе им дозволам на фудбалерите да играат од почеток, само ако се подготвени да одиграат најмалку 60 минути“, изјави во четвртокот Матарацо.
Хофенхајм во сабота ќе го одигра првиот натпревар од новото издание на германската Бундес лига.
На домашен терен од 15:30 часот го пречекува овогодинешниот елитен тим Холштајн Кил.
