Jude Bellingham është zgjedhur për të dytin vit radhazi si lojtari më i mirë në Përfaqësuesen e Anglisë.
Mesfushori i Real Madridit mori më së shumti vota nga tifozët, duke u shpërblyer veçanërisht për paraqitjet në Kupën e Botës që u organizua në SHBA, Meksikë dhe Kanada.
Ylli i Madridit shënoi shtatë gola në Botëror, duke vendosur rekord për numrin më të madh të golave të shënuar nga një futbollist anglez në një Botëror ose Kampionat Evropian.
Anglia e përfundoi Botërorin në vendin e tretë, ndërsa Bellingham ishte prej futbollistëve kryesorë.
“Është një ndjenjë fantastike. Është një nder i madh të vlerësohesh sërish nga tifozët. Nuk është diçka për të cilën mendon kur luan për vendin tënd, por padyshim që është një shtesë e bukur në verën e mrekullueshme që patëm dhe në nderin e të luajturit për kombëtaren time”, ka thënë 23-vjeçari, shkruan të premten “Reuters”.