Кристијан Аслани, играчот од средниот ред на Интер и Албанија, изјави дека тренерите Кристијан Киву и Симоне Инзаги не се разликуваат многу во работата што ја работат и начинот на кој ја водат играта.
Аслани разговараше со „СпортИталија“ по ремито на Интер од 1:1 против Монтереј, во првиот натпревар од Светското клупско првенство.
За Киву ова беше деби на чело на тимот на „нероазура“.
„Имавме неколку позитивни моменти, но за жал примивме гол во судиското продолжение. Треба да се подобриме, но имаше и позитивни работи. Сакавме да го започнеме натпреварувањето со полни бодови, но сега треба да размислуваме за следниот натпревар“, изјави Аслани.
Аслани беше стартер и играше до 68-та минута во натпреварот против мексиканскиот тим.
23-годишникот играше и под водство на тренерот Инзаги. Во сезоната што заврши, тој одигра 36 натпревари, постигнувајќи три гола и две асистенции.
„Нема голема разлика помеѓу Чвиус и Инзаги. Игравме со истиот систем во последните години. Киву побара поголем притисок од нас и ние го применивме тоа добро. Треба да се подобриме во пресекувањата. Можеме да играме и со формацијата 3-4-2-1, како што правевме на некои натпревари минатата сезона. Треба да се прилагодиме на барањата на тренерот, да се подобриме и да продолжиме да играме“, изјави Аслани.
Интер ќе го игра следниот натпревар на Светското клупско првенство на 21 јуни против Урава Редс.
Во групата Е е и Ривер Плата, која има три бода од првиот натпревар. Урава е последна без бодови.
