Mesfushori Amir Abrashi të shtunën e ka zhvilluar ndeshjen e 300-të me fanellën e klubit me më së shumti tituj të kampionit në Zvicër, Grasshopper.
Abrashi ka thënë se “nuk e kishte besuar” se do të paraqitej në 300 ndeshje për klubin zviceran.
Abrashi luajti deri në minutën e 63-të në fitoren 8:0 të Grasshopperit për Kupë të Zvicrës.
“Nuk kanë qenë vite të lehta. Jam jashtëzakonisht krenar dhe mirënjohës që mund të luaj për klubin”, ka thënë Abrashi, shkruan “Blick” të dielën.
Abrashi debutoi për Grasshopperin në vitin 2010, në moshën 20-vjeçare.
Me Grasshopperin e ka fituar Kupën, ndërsa dy herë ka dalë nënkampion i Zvicës.