Килијан Мбапе го постигна 60-от гол во елитното клупско фудбалско натпреварување, Лигата на шампионите.
Французинот Мбапе блескаше во вторник вечерта во второто коло од Лигата на шампионите, кое Реал Мадрид го доби со 5-0 против Каират Алмати во Казахстан. Фудбалската ѕвезда постигна хет-трик.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеМбапе прв постигна гол во 25-тата минута од пенал, додека голот за 2-0 го постигна во 52-тата минута. Хет-трикот го комплетираше во 74-тата минута.
Со 26 години и 284 дена, Мбапе е вториот најмлад играч кој достигнал 60 гола. Само Лионел Меси бил помлад кога го постигнал својот 60-ти гол во Лигата на шампионите. Аргентинецот имал 26 години и 86 дена.
Кристијано Роналдо го постигна својот 60-ти гол на 29 години и 21 ден, додека Раул Гонзалез е четврти на листата, со 30 години и 237 дена. Карим Бензема и Роберт Левандовски постигнаа 60 гола на 31 година.
За 60 гола, на Мбапе му беа потребни 89 натпревари во Лигата на шампионите. Тој е трет на оваа листа. Меси постигна 60 гола во своите први 80 натпревари во Лигата на шампионите. На Левандовски му беа потребни 85 гола, додека на Роналдо 98. Бензема постигна 60 гола во 111 натпревари, додека на Раул во 115 натпревари.
Само оваа извонредна петорка има повеќе голови од актуелната ѕвезда на Реал Мадрид во елитното натпреварување.
Роналдо има 140 гола на 183 натпревари. Меси има 129 гола на 163 натпревари. Лева има 105 гола на 134 натпревари. Бензема постигна 90 гола на 152 натпревари во најсилното европско натпреварување, додека Раул се задржа на 71 гол на 142 натпревари.
Оваа сезона, Мбапе има пет гола во два натпревари од Лигата на шампионите. Тој постигна два гола во победата од 2:1 над Марсеј во првото коло. Во Ла Лига, тој има осум гола во своите први седум натпревари и е ран и силен кандидат за „Златната топка“.
Како што се очекуваше, Мбапе беше прогласен за играч на натпреварот против Алмати.
„Не можеме да заборавиме што се случи оваа недела. Никогаш не треба да го заборавиме. Ова е уште едно натпреварување, но мора постојано да размислуваме за тоа што се случи и да работиме на тоа да бидеме подобри и да избегнеме вакви ноќи“, рече Мбапе.
Во саботата, Реал Мадрид претрпе тежок пораз од Атлетико со 5:2 во мадридското дерби, важечко за Ла Лига.
„Мојата работа е да му помогнам на тимот. Само за тоа мислам. Правам сè што можам за да му помогнам на тимот да победи. Ако постигнувам голови, одлично. Но, ако му помогнам на тимот на други начини, тогаш сепак е одлично. Важно е тимот да победува на натпревари и да освојува трофеи“, нагласи Мбапе.
Арда Ѓулер асистираше за последниот гол на Мбапе во вторник вечерта.
„Имаме добар однос. Тој е млад играч со многу квалитет, тој е голем талент. Се обидуваме да му помогнеме да го даде најдоброто од себе за тимот. Тој игра многу добро сега и сме среќни што го имаме во нашиот тим“, рече Мбапе.