Напаѓачот Мирлинд Даку изјави дека неговиот тим Рубин Казан покажал карактер на натпреварот од првото коло против Пари Н.Н. Рубин Казан победи во понеделникот со 4:2, додека Даку постигна гол и асистенција.
„Имам некои квалитети. Но, сè уште не сум ја достигнал формата што ја имав. Ќе работам напорно. Формата доаѓа преку натпревари. Првите минути се многу важни во фудбалот. И на следниот натпревар мора да играме поконцентрирано. Но, на овој натпревар го покажавме карактерот на тимот. Знаевме дека ќе имаме тежок натпревар против силен тим. Добро е што сите заедно покажавме карактер“, изјави Даку за „Матч ТВ“. Даку беше прогласен за играч на натпреварот.
