Турција ја совлада Грузија со 3:1 во првиот натпревар од групата Ф на „Евро 2024“ а еден од хероите беше Арда Ѓулер, кој постигна супергол и по мечот доби честитки од претседателот Реџеп Таип Ердоган.
19-годишниот фудбалер на Реал Мадрид со силен удар од повеќе од 20 метри го постигна најубавиот гол на Европското првенство досега, со што стана најмладиот тинејџер кој постигнал гол на ова натпреварување.
Ѓулер постигна гол на 19 години и 114 дена, минувајќи го Кристијано Роналдо, кој постигна гол против Грција во 2004 година на 19 години и 128 дена.
По натпреварот, додека биле во соблекувалната, Гулери разговарал со Ердоган.
Во следното коло Турција се среќава со Португалија, додека Грузија игра со Чешка.
