Дизелдорф, 23 јуни – Фудбалските копачки кои Јасир Асани ги носеше на мечот меѓу Албанија и Хрватска предизвикаа голема врева. Натпреварот заврши 2:2, додека Асани асистираше за првиот гол кој го постигна Ќазим Лачи.
На крилниот напаѓач му беа подарени копачки со цртежи на „Супер Марио“. А за неговите посебни чевли пишуваа моќните меѓународни медиуми, а потоа и медиумите во многу земји во светот.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеОфицијалната веб-страница на УЕФА објави изјава на Асан во врска со неговите копачки.
„Овие копачки ги направив пред шест или седум месеци, но ги зачував за посебна пригода. Не ги искористив против Италија, па решив да се појавам со нив против Хрватска. Сакав смешен дизајн, па се одлучив за Супер Марио. Можеби моите копачки се попознати од мене на ЕП 2024“, изјави Асани.
Албанија ги продолжува подготовките за последниот натпревар во групата Б, против Шпанија. Натпреварот се игра во понеделник од 21:00 часот во Дизелдорф.
На Албанија и треба победата за да се надева дека ќе продолжи понатаму, што би било историски успех. Шпанија ги доби првите два натпревари во групата, против Хрватска и Италија и веќе е квалификувана. Има информации дека Шпанија може да ги одмора клучните играчи.
Во Албанија изразија оптимизам, иако се свесни дека Шпанија го прикажа најдобриот фудбал досега на Европското првенство во Германија.
„Ја анализиравме и проучувавме Шпанија. Немаме што да загубиме, па ќе се обидеме да го покажеме најдоброто од себе и да освоиме три бода иако ќе биде многу тешко. Ако имаме малку среќа, ќе успееме“, додаде Асани.
Тој вели дека досегашните натпревари со Италија и Хрватска многу ќе и послужат на репрезентацијата.
Албанија по втор пат се појавува на европско.
„Игравме против два силни ривали, Италија и Хрватска. И двајцата играат фудбал на високо ниво, додека Шпанија има и исклучителен квалитет. Научивме многу како тим на ЕП 2024. Тоа се натпревари кои можат да се подобрат како играчи“, потенцираше 29-годишниот фудбалер.
Тој е неприкосновен во почетниот состав на Силвињо. Тој се уште е дел од тимот од Јужна Кореја, Гвангжу. Но по Европското првенство се очекува негов официјален трансфер во Лас Палмас во Шпанија.