Се очекува фудбалската суперѕвезда Лионел Меси да биде подготвен за првиот натпревар на Аргентина на Светското првенство, кое започнува на 11 јуни.
Меси нема да настапи на пријателскиот натпревар против Хондурас во недела, додека веројатно ќе игра неколку минути на пријателскиот натпревар против Исланд на 10 јуни.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеАргентина ја започнува одбраната на титулата на Светското првенство против Алжир на 17 јуни.
Заедно со Аргентина и Алжир, во групата Ј се уште и Австрија и Јордан.
„Неговото присуство против Хондурас е практично исклучено. Сепак, во зависност од неговиот напредок, останува да се види дали ќе може да игра барем неколку минути против Исланд. Со постојан мониторинг од физиотерапевтот Луис Гарсија и кондицискиот тренер Луис Мартин, главните чекори во процесот на закрепнување ќе бидат одмор, внимателна работа со постепено зголемување на оптоварувањето и трпение. Целта е јасна - Меси да биде целосно подготвен за првиот натпревар“, пишува аргентинскиот медиум „Оле“.
Се очекува Меси и неговиот најголем ривал, Португалецот Кристијано Роналдо, да постават рекорд играјќи на своето шесто Светско првенство.
Постоеја стравувања дека Меси можеби нема да настапи на Светското првенство по повредата што ја заработи пред неколку недели.
Фудбалерот на Интер Мајами се пожали на повреда на тетивата на левата нога. Но, се очекува Меси да биде подготвен за првиот натпревар на Аргентина на Светското првенство, кое се одржува во САД, Мексико и Канада.