Високи функционери од администрацијата на Доналд Трамп во САД се подготвуваат да се сретнат со високи руски функционери за да започнат разговори за ставање крај на борбите во Украина, според неколку извори на Си-Ен-Ен.
Советникот за национална безбедност Мајк Волц, државниот секретар Марко Рубио и пратеникот за Блискиот Исток Стив Виткоф се очекува да заминат за Саудиска Арабија за да се сретнат со Русите. Еден од изворите на Си-Ен-Ен рече дека средбата се очекува во наредните денови.
Изворите одбија да кажат кои руски претставници ќе бидат вклучени на состанокот, но според Си-Ен-Ен, се очекува висок функционер и разузнавачки и економски претставници, како и Кирил Дмитриев, рускиот функционер кој имаше улога во неодамнешните договори за ослободување на затворениците.
Претходно оваа недела, американскиот претседател Доналд Трамп рече дека преговорите за ставање крај на тригодишната војна во Украина треба да започнат „веднаш“ по „долгиот и многу продуктивен“ телефонски разговор со рускиот претседател Владимир Путин.
