-
Превод: Флутура Гаши-Мехмети
- 24 февруари 2025 12:49 часот
- Споделете на:
Украинскиот претседател Володимир Зеленски во понеделникот на самитот во Киев со лидерите на ЕУ и канадскиот премиер Џастин Трудо изјави дека целосната размена на затвореници со Русија би можела да биде „почеток“ на завршување на војната.
Имаше 60 размена на затвореници меѓу двете страни од почетокот на војната, вклучително и една во декември во која беа разменети стотици затвореници, јавува Би-Би-Си.
„Ова е вистинската опција“, рече Зеленски, истакнувајќи дека има илјадници Украинци приведени во Русија, некои кои се притворени од анексијата на Крим во 2014 година.
„Русија треба да ги ослободи Украинците. Украина е подготвена да размени секого за секого и ова е фер опција“, додаде тој.
Украина не ги објавува бројките на воените заробеници што ги држи Русија, но се смета дека вкупниот број е повеќе од 8,000.
Зеленски, исто така, предупреди на каков било набрзина договорен договор со Русија, велејќи дека мир не може да се прогласи за еден час.
„Мораме да го освоиме мирот преку сила, мудрост и единство, преку нашата соработка со вас (лидерите на самитот).
Според него, траен мир ќе функционира само ако на Украина и се дадат „силни безбедносни гаранции“.
