Украинскиот претседател Володимир Зеленски го обвини неговиот руски колега Владимир Путин дека се обидува да ги одолговлекува преговорите за прекин на огнот за да продолжи војната.
Во објава на „Х“, Зеленски ја критикува Русија за намерно наметнување услови кои само го комплицираат и одложуваат процесот на постигнување прекин на огнот.
Понатаму, украинскиот претседател рече дека постои „силно разбирање“ меѓу Украина и нејзините европски партнери.
Осврнувајќи се на разговорите на почетокот на оваа недела меѓу САД и Украина во Саудиска Арабија, Зеленски пишува дека кога првпат го слушнал предлогот на САД за итен прекин на огнот, се согласил „веднаш“.
Тој понатаму го обвинува Путин дека лаже за тоа што се случува на бојното поле, за бројот на жртвите и за состојбата на руската економија.
„Путин не може да замине од оваа војна, бидејќи тоа нема да го остави без ништо“, рече Зеленски.