-
Превод: Флутура Гаши-Мехмети
- 8 јули 2024 18:39 часот
- Споделете на:
Украинскиот претседател Володимир Зеленски изјави дека ќе повика на итен состанок на Советот за безбедност на ОН по рускиот напад врз детската болница во Киев во понеделник.
Во голем руски ракетен напад низ Украина во понеделникот загинаа најмалку 31 лице, а 154 се повредени, соопштија официјални лица, додека еден од нив погоди голема детска болница во главниот град Киев, пренесува АП.
Баражот во текот на денот беше насочен кон пет украински градови со повеќе од 40 проектили од различни типови кои погодија станбени згради и јавна инфраструктура, изјави претседателот Володимир Зеленски на социјалните мрежи.
Во нападите во Криви Рих, родниот град на Зеленски во централна Украина, загинаа 10 лица, а други 47 беа повредени. Шефот на градската управа, Олександр Вилкул, рече дека станува збор за масовен ракетен напад.
Седум лица загинаа во Киев, соопштија властите.
За време на заедничката конференција со полскиот премиер Доналд Туск во Варшава, Зеленски најави и создавање на украинска легија со седиште во Полска.
исто така
Руските напади во Киев однесоа девет жртви
„Ќе им дадеме можност на украинските граѓани кои моментално се во Полска, Литванија и други земји од ЕУ, доброволно да се приклучат на одбраната на Украина“, рече тој.
ПРОЧИТАЈТЕ ИСТО:
