Зеленски: Нашата соработка со САД мора да остане конструктивна

Украинскиот претседател Володимир Зеленски изјави во средата навечер дека е важно целокупната дискусија и соработка со САД да остане конструктивна.

Во видео изјава објавена непосредно пред неговата средба со претставникот на американскиот претседател Доналд Трамп за Украина и Русија, Кит Келог, Зеленски рече дека заедно со Америка и Европа, мирот може да биде посигурен.

„Важно е оваа дискусија и нашата севкупна соработка со САД да останат конструктивни. Заедно со Америка и Европа, мирот може да биде посигурен и тоа е нашата цел. „Но, што е најважно, оваа цел мора да ја споделуваат нашите партнери, а не само ние“, изјави Зеленски.

Тензиите меѓу Зеленски и Трамп ескалираа во средата, откако украинскиот претседател рече дека Трамп „живее во простор на дезинформации“ од Москва. 

По ова реагираше Трамп, нарекувајќи го Зеленски „диктатор“.