Јулија Скрипал, ќерката на поранешниот руски шпион Сергеј Скрипал, кој беше отруен во Солсбери пред неколку месеци, изјави дека е „среќна што е жива“ по нападот.
Јулија и нејзиниот татко беа изложени на нервниот агенс Новичок на 4 март.
Во својата прва јавна изјава по нападот, Скрипал за новинската агенција Ројтерс изјави дека нејзиниот живот е „превртен наопаку“, но се надева дека ќе се врати во Русија во иднина.
Нејзиниот татко бил пуштен од болница на почетокот на овој месец.
Во изјава за Ројтерс, Скрипал се заблагодари на руската амбасада за помошта, но рече дека таа и нејзиниот татко „не биле подготвени да ја прифатат“.
Јулија ги опиша луѓето кои се грижеа за неа по нападот како „внимателни“ и „многу добри“.
„Имаме голема среќа што го преживеавме обидот за атентат. Нашето закрепнување беше бавно и крајно болно“.
Таа исто така побара да се зачува приватноста на нејзиното семејство.