WhatsApp ги негира тврдењата на Иран дека споделува информации со Израел

Мета издаде соопштение како одговор на иранската влада, која ги повика граѓаните да го избришат WhatsApp.

Технолошкиот гигант ги негира тврдењата на Иран дека информациите од апликацијата за пораки се споделуваат со Израел, објави Би-Би-Си.

Портпаролот на матичната компанија на WhatsApp, Meta - која е исто така сопственик на Facebook и Instagram - изјави дека е „загрижена дека овие лажни извештаи ќе бидат изговор за блокирање на нашите услуги во време кога луѓето најмногу им се потребни“.

Во соопштението се вели дека сите „пораки што ги испраќате до семејството и пријателите на WhatsApp се енкриптирани од крај до крај, што значи дека никој освен испраќачот и примачот нема пристап до тие пораки“.

„Ние не даваме информации во голем обем на ниту една влада. Повеќе од една деценија, „Мета“ обезбедува тековни извештаи за транспарентност кои ги вклучуваат ограничените околности кога се барани информации од WhatsApp“, додаде портпаролот.