-
Превод: Флутура Гаши-Мехмети
- 18 јуни 2026 година, 09:28 часот
- Споделете на:
Украина во четврток ја започна најголемата офанзива со беспилотни летала врз Москва во последните две години, според руската државна новинска агенција ТАСС.
Нападите оштетија инфраструктура, предизвикаа пожари што создадоа отпад во области низ целиот регион на главниот град.
Воздушната одбрана собори 194 дронови што се движеа кон руската престолнина за само осум часа, според градоначалникот на Москва, Сергеј Собјанин.
Летовите на сите главни московски аеродроми беа привремено прекинати во четврток, објави Ројтерс, повикувајќи се на руската агенција за воздухопловство.
Киев го зголеми таргетирањето на руската енергетска инфраструктура со напади со долг дострел во последните недели, а ноќната офанзива се случи во време кога украинскиот претседател Володимир Зеленски е во Брисел на состаноци со лидерот на НАТО и министрите за одбрана на Велика Британија и Германија.
Неколку дронови ја нападнаа Московската рафинерија за нафта во југоисточниот округ Капотња во четврток, рече Собјанин на Телеграм, според Ројтерс - втор пат како е нападната само оваа недела, откако беше погодена претходно во вторник.
Станбена зграда во Жуковски, надвор од Москва, исто така била погодена од дрон, според ТАСС, повикувајќи се на гувернерот на московскиот регион Андреј Воробјов.
Лидерите на Г7, кои се состанаа оваа недела во Франција на тридневен самит, ветија непоколеблива поддршка за Украина во заедничка изјава.
Тие дури се согласија да го зголемат економскиот притисок врз Русија.
Зеленски: Ако Украина гори, ќе гори и Москва
Фотографија: Асошиејтед Прес
Украинскиот претседател Володимир Зеленски сигнализираше дека моќниот напад врз рафинеријата за нафта во Москва, извршен од украинските одбранбени сили во четврток, бил одговор на рускиот напад врз територијата на манастирот Киево-Печерска Лавра.
Тој рече дека ако Украина гори, ќе гори и Москва.
Зеленски, исто така, ја нагласи потребата од прекин на војната.
„Ние не ја сакаме оваа војна и никогаш не сме ја сакале, сите го знаат ова, а нашите партнери го знаат ова, и сигурно не сакаме Украина да гори поради непријателот. Но, ако Украина гори, ќе гори и вашата Москва. Затоа, уште еднаш нагласуваме дека е време да се стави крај на агресијата, време да се стави крај на оваа војна“, рече Зеленски за време на комуникацијата преку порака со новинарите.
Украина нападна рафинерија за нафта во Москва по втор пат за една недела, предизвикувајќи прекин на комерцијалните летови на московските аеродроми, во еден од најголемите напади со беспилотни летала од руската инвазија пред повеќе од четири години, соопштија руски официјални лица во четврток.
Руското Министерство за одбрана соопшти дека неговата воздушна одбрана соборила 555 украински дронови над повеќе региони во текот на ноќта, а речиси 200 биле пресретнати додека се приближувале кон руската престолнина.