Украина и САД постигнаа значителен напредок во договорот за минерали, најавува Киев

Украина и Соединетите Американски Држави (САД) постигнаа „значителен напредок“ во разговорите за договорот за минерали и се очекува да потпишат меморандум во блиска иднина, изјави во средата првиот заменик-премиер на Украина, Јулија Свириденко.

Нашите технички тимови неуморно работеа на договорот и имаше огромен напредок. Нашиот правен персонал приспособи неколку елементи во нацрт-договорот“, напиша Свириденко на социјалната мрежа Х.

Американскиот претседател Доналд Трамп се стреми кон билатерален договор со Украина за минералите со ретки земји како дел од неговите напори да стави крај на војната. Тој, исто така, гледа на договорот како начин, според него, да се вратат во САД милијарди долари потрошени за воена помош за Киев, пренесува Ројтерс.

Минатиот месец, администрацијата на Трамп предложи нов и поширок договор за минерали, кој на Украина не и нуди безбедносни гаранции, но бара од неа да ги стави сите приходи од експлоатација на природни ресурси од страна на државните и приватните претпријатија низ украинската територија во заеднички инвестициски фонд.

САД ја намалија помошта за Украина по големата инвазија на Русија во 2022 година, од 300 милијарди долари на околу 100 милијарди долари, објавија извори блиски до медиумот Блумберг.