-
Превод: Флутура Гаши-Мехмети
- 30 декември 2024 10:27 часот
- Споделете на:
Многу реакции дојдоа од светските лидери за смртта на поранешниот американски претседател Џими Картер, кој беше 39-ти претседател на САД од 1977 до 1981 година.
Во објава на Х, германската канцеларка, Олаф Шолц, рече дека „светот изгуби голем посредник за мир на Блискиот Исток и за човекови права“.
Премиерот на Обединетото Кралство, Кир Стармер, рече дека Картер бил „мотивиран од неговата вера и силните вредности“ и дека „го редефинирал пост-претседателството со извонредна посветеност на социјалната правда и човековите права дома и во странство“.
Генералниот секретар на ОН, Антонио Гутерес, изјави дека раководството на Картер „значително придонесе за меѓународниот мир и безбедност, а неговата посветеност на мирот продолжи и откако тој ја напушти функцијата“.
Францускиот претседател Емануел Macron, го опиша Картер како „упорен застапник за правата на најранливите“, додавајќи дека „неуморно се борел за мир“.
Украинскиот претседател Володимир Зеленски, рече дека Картер е „лидер кој служел во време кога Украина сè уште не била независна, но неговото срце застана цврсто со нас во нашата тековна борба за слобода“.
Џими Картер почина во неделата на 100-годишна возраст.
исто така
Османи за смртта на поранешниот американски претседател: Инспирираше генерации лидери
Демократскиот политичар беше претседател на Соединетите Американски Држави од 1977 до 1981 година, во време кога САД се соочуваа со економски и дипломатски кризи.
Тој е и лауреат на Нобеловата награда за мир. Картер беше 39-тиот претседател на САД.
Официјалниот државен погреб на поранешниот претседател во Вашингтон е закажан за 9 јануари, потврди Белата куќа. Тој ден ќе биде и ден на национална жалост.
