Турција реагираше на израелските напади врз Газа, велејќи дека тоа претставува „нова фаза во политиката на геноцид“.
Турското Министерство за надворешни работи соопшти дека државата Израел извршила масакр врз стотиците Палестинци кои беа убиени во нападите во вторникот, додавајќи дека владата на Нетанјаху „го прекршила човештвото кршејќи го меѓународното право“.
„Масакрот на стотици Палестинци во нападите на Израел врз Газа утринава покажува дека геноцидната политика на владата на Нетанјаху влезе во нова фаза. Израел го предизвикува човештвото преку кршење на меѓународното право и универзалните вредности во најсериозна форма “, се вели во одговорот, објави TheGuardian.
Турските власти ја повикаа меѓународната заедница да заземе решителен став кон Израел „за да се обезбеди траен прекин на огнот во Газа и испорака на хуманитарна помош“.
„Како Турција, ја повторуваме нашата непоколеблива поддршка за праведната кауза на палестинскиот народ и ја потврдуваме нашата посветеност да придонесеме во напорите насочени кон обезбедување мир и стабилност во регионот“, се вели понатаму во одговорот.
Турскиот претседател Реџеп Таип Ердоган беше противник на израелската војна во Газа. Тој претходно го обвини Израел за геноцид, додека, исто така, побара од меѓународните судови да го осудат премиерот Бенјамин Нетанјаху.
