-
Превод: Флутура Гаши-Мехмети
- 7 мај 2026 08:16 часот
- Споделете на:
Американскиот претседател Доналд Трамп предвиде дека војната во Иран ќе заврши брзо и рече дека повеќето луѓе ја „разбираат“ неговата намера да ги прекине нуклеарните амбиции на Техеран.
Неговите коментари доаѓаат откако Иран соопшти дека американскиот предлог за завршување на војната „сè уште е во фаза на разгледување“.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеАмериканската новинска агенција „Аксиос“ објави дека Белата куќа верува дека можеби се приближува кон меморандум за разбирање од 14 точки со Иран, кој би можел да постави рамка за подетални нуклеарни преговори.
Висок член на иранскиот парламент го отфрли ова како „список на желби“, додека портпарол на Министерството за надворешни работи изјави дека Техеран ќе ги сподели своите ставови за американскиот предлог со пакистанските посредници.
Пакистанскиот министер за надворешни работи изјави дека неговата земја „се обидува да го претвори ова примирје во траен крај на оваа војна“.
Во својот извештај, „Аксиос“ го опишува меморандумот како документ од 14 точки што би можел да постави рамка за подетални нуклеарни преговори.
Меѓу одредбите што ги наведува се суспензија на иранското нуклеарно збогатување, укинување на санкциите и враќање на слободниот транзит низ Ормутскиот теснец.
Тој цитираше двајца американски претставници и два други извори, сите неименувани, за кои рече дека биле информирани за прашањата. Изворите наводно рекле дека многу од условите наведени во меморандумот ќе зависат од постигнувањето конечен договор.
Новинската агенција Ројтерс објави дека два извори информирани за посредништвото меѓу САД и Иран ги потврдиле информациите првично објавени од Аксиос, но предлогот не е објавен.
Зборувајќи за време на виртуелен настан во среда навечер, Трамп им рече на републиканците во државата Џорџија дека е оптимист дека војната наскоро ќе заврши.
Тој додаде дека повеќето луѓе разбираат оти бил во право што му ја одзел на Иран можноста да има нуклеарно оружје.
САД и Иран се пред привремен договор за завршување на војната
Фото: Асошиетед прес
САД и Иран се движат кон привремен, ограничен договор за запирање на нивната војна, соопштија извори и официјални лица во четврток.
Нацрт-рамковен договор меѓу нив би ги запрел борбите, но би ги оставил најспорните прашања нерешени.
Планот што се појавува се фокусира на краткорочен меморандум, а не на сеопфатен мировен договор, нагласувајќи ги длабоките поделби меѓу двете страни и сигнализирајќи дека секој договор во оваа фаза би бил привремен чекор.
Надежите дека дури и делумен договор би можел да доведе до повторно отворање на Ормутскиот теснец веќе ги раздвижија пазарите.
Техеран и Вашингтон ги намалија амбициите за сеопфатно решение бидејќи несогласувањата продолжуваат, особено околу нуклеарната програма на Иран, вклучително и судбината на неговите залихи од високо збогатен ураниум.
Наместо тоа, тие работат на привремен договор насочен кон спречување на враќање на конфликтот и стабилизирање на морскиот транспорт низ теснецот, велат извори и официјални лица.
„Наш приоритет е тие да прогласат траен крај на војната, а останатите прашања да можат да се решат откако ќе се вратат на директни разговори“, изјави за Ројтерс висок пакистански функционер вклучен во посредувањето меѓу двете страни.
Предложената рамка би се одвивала во три фази: формално завршување на војната, решавање на кризата во Ормутскиот теснец и започнување на 30-дневен прозорец за преговори за поширок договор, според извори и официјални лица.
Пакистански извор и друг извор информиран за медијацијата изјавија дека е близу до постигнување меморандум од една страница за формално завршување на конфликтот, иако остануваат разлики меѓу страните.