Трамп го пофали сирискиот претседател: Атрактивен човек, со минато на воин

Американскиот претседател Доналд Трамп го коментираше својот краток состанок со привремениот претседател на Сирија, Ахмед ал-Шара, за време на неговиот лет од Ријад, Саудиска Арабија, до Доха, Катар.

Трамп го нарече Шаран „атрактивен, жилав човек“, додавајќи дека има минато како борец.

„Млад, привлечен човек. Цврст човек. Силно минато. Многу силно минато. Воин“, рече Трамп кога новинарите го прашаа во „Ер Форс Уан“. 

Американскиот претседател додаде дека смета оти Сирија во одреден момент ќе се приклучи на Абрахамовиот договор, за нормализирање на односите со Израел, што е исто така едно од барањата што му ги упатил на Шара за време на состанокот. 

„Мислам дека треба да се соберат. Му реков: „Се надевам дека ќе се собереш.“ Тој рече: „Да.“ Но, тие имаат многу работа да завршат“, рече Трамп.