Американскиот претседател Доналд Трамп изјави во четвртокот дека сака да ги продолжи разговорите со Русија и Кина за контрола на нуклеарното вооружување, пренесува новинската агенција АП.
Американскиот претседател се надева дека трите земји можат да се согласат да ги намалат своите огромни буџети за одбрана на половина.
„Нема причина да произведуваме ново нуклеарно оружје. Веќе имаме многу“, рече Трамп од Овалната соба. „Сите ние трошиме многу пари што би можеле да ги трошиме на други работи кои се попродуктивни“.
Додека САД и Русија одржуваат огромни залихи на нуклеарно оружје од Студената војна, Трамп предвиде дека Кина ќе го достигне целосниот капацитет да нанесе нуклеарно уништување во рок од пет или шест години.
Во неговиот прв претседателски мандат, Трамп се обиде да ја убеди Кина да разговара за намалување на нуклеарното оружје, додека САД и Русија преговараа за продолжување на договорот СТАРТ.
-
Трамп сака разговори со Русија и Кина за денуклеаризација
-
Трамп нареди тестирање на нуклеарно оружје
-
Путин му предложи на Трамп продолжување на договорот за контрола на нуклеарно оружје
-
Трамп ги притиска земјите од НАТО да престанат да купуваат руска нафта
-
Кина го отфрли барањето на Трамп за преговори за денуклеаризација