Трамп им се заканува на трговските партнери на Иран

Presidenti amerikan, Donald Trump, ka njoftuar një fushatë të re për izolimin e ekonomisë së Iranit, duke kërcënuar me “pasoja të jashtëzakonshme ekonomike” çdo vend që e ndihmon ose bën biznes me Teheranin. Një veprim i tillë mund të çojë në një përplasje të re me Kinën, nëse zbatohet.

“Sot po njoftoj operacionin ekonomik më shkatërrues të ndërmarrë ndonjëherë kundër një vendi!”, ka shkruar Trumpi në Truth Social. 

“Çdo vend që lejon institucionet e tij financiare, bizneset, aeroportet apo entitetet qeveritare t’i ofrojnë çfarëdo lloj mbështetjeje Iranit, do të përballet vetë me pasoja të jashtëzakonshme ekonomike”, ka shtuar ai.

Megjithatë, njoftimi i tij nuk përmbante detaje se çfarë masash do të ndërmerreshin apo cilat vende mund të preken. Njoftimi vjen në një kohë kur lufta po i afrohet gjashtëmujorit dhe presidenti po përballet me presion për shkak të kostos së konfliktit, ndërsa zgjedhjet e mesmandatit në SHBA po afrohen po ashtu.

Muajin e kaluar, presidenti amerikan ka pezulluar sulmet ndaj Iranit, pas dy javësh sulmesh të përnatshme që nuk kishin arritur t’i rikthenin zyrtarët në Teheran në tryezën e negociatave. Ndërkohë, u raportua se lufta kishte pakësuar rezervat amerikane të municioneve kryesore.

исто така СВЕТОТ 1 o. пред Хаосот на Трамп можеби ја уништува неговата дипломатија

Këshilltarët e Pentagonit, sipas raportimeve, i kanë thënë Trumpit muajin e kaluar se SHBA-ja kishte shteruar pothuajse listën e objektivave në Iran dhe se fushata ushtarake kishte arritur kufijtë e efektivitetit të saj.

Çmimet e benzinës në SHBA kanë arritur nivelin më të lartë të regjistruar ndonjëherë për muajin gusht, ndërsa negociatat me Iranin kanë ngecur.

Në javët e fundit, Shtëpia e Bardhë ka sinjalizuar një ndryshim të strategjisë drejt shtimit të presionit ekonomik ndaj Iranit. Sekretari amerikan i Thesarit, Scott Bessent, ka thënë javën e kaluar se SHBA-ja do të shtonte përpjekjet për izolimin ekonomik të Iranit.

Për muaj me radhë, Thesari amerikan ka zhvilluar një operacion të quajtur “Economic Fury” , i cili synon t’i ndërpresë Iranit burimet e financimit përmes sanksioneve të synuara. Ndërkohë, një bllokadë detare në ngushticën e Hormuzit ka synuar të pengojë portet iraniane të eksportojnë naftën, e cila është jetike për mbajtjen e ekonomisë së vendit në këmbë.

Ekonomia e Iranit përballet tashmë me një varg të ashpër sanksionesh amerikane dhe perëndimore, të cilat ndër vite e kanë dobësuar ekonominë dhe kanë kufizuar aftësinë e vendit për të shitur naftë.

исто така СВЕТОТ 1 o. пред Русија ги нападна Киев и околните региони, најмалку осум мртви

Por ekspertët thonë se udhëheqësit iranianë kanë mësuar t’u përshtaten këtyre masave, ndër të tjera duke eksportuar naftë përmes një rrjeti të sofistikuar anijesh-cisternash në hije, të përdorura për të shmangur sanksionet dhe për të fshehur origjinën e ngarkesave.

Në njoftimin e tij të mërkurën, Trumpi ka renditur disa aktivitete që, sipas tij, duhet të ndalojnë menjëherë, përfshirë “kontrabandën e naftës, linjat e shkëmbimit valutor, transfertat e parave cash, zyrat e këmbimit valutor, regjistrat e anijeve etj.”.