Администрацијата на Трамп распореди околу 4,000 војници на Националната гарда во Лос Анџелес во понеделник како одговор на протестите против рациите за имиграција, објави „Гардијан“ во вторник.
И покрај тоа што се соочија со солзавец и друга муниција во текот на викендот, демонстрантите продолжија да протестираат во понеделник, а семејствата на притворените имигранти побараа ослободување на нивните најблиски.
Администрацијата на Трамп првично соопшти дека 2,000 припадници на Националната гарда се испраќаат во Лос Анџелес, но гувернерот на Калифорнија, Гевин Њусом, подоцна во понеделник објави дека бил информиран оти федералните власти испраќаат дополнителни 2,000 војници, иако, според него, досега се распоредени само 300.
Њусом се спротивстави на овие мерки, сметајќи дека градот се користи како „експеримент“.
