-
Превод: Флутура Гаши-Мехмети
- 17 септември 2025 11:17 ч
- Споделете на:
Новите тестови покажуваат дека Алексеј Навални бил отруен, изјави неговата вдовица Јулија Навалнаја. Таа го обвинува Путин за неговата смрт.
Навалнаја тврдеше дека два лабораториски тестови, спроведени независно еден од друг, покажуваат дека нејзиниот сопруг бил отруен пред неговата смрт.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеВо видео на YouTube, таа детално се присети на последното писмо од нејзиниот сопруг, денот пред неговата смрт во казнена колонија во Русија, и на неговите последни денови во притвор, детално опишувајќи го недостатокот на одговор од властите на неговите први пријави дека е болен.
Таа покажа и слики од внатрешноста на ќелијата каде што тој беше болен.
Во видеото, таа објасни дека „во февруари 2024 година, успеавме безбедно да ги добиеме и пренесеме биолошките примероци на Алексеј во странство“ и дека „лабораториите во најмалку две земји независно ги тестираа тие примероци“.
„Лабораториите во две различни земји независно заклучија: Алексеј бил убиен, односно отруен“, рече таа, без да понуди дополнителни докази.
„Барам лабораториите што ги спроведоа тестовите да ги објават своите резултати“, рече таа. „Тврдам дека Владимир Путин е одговорен за убиството на мојот сопруг, Алексеј Навални.“
„Не го смирувајте Путин за некои повисоки „размислувања“. Не можете да го смирите. Додека молчите, тој не запира“, додаде таа.