-
Превод: Идеал Жуби
- 10 јуни 2025 година, 10:40 часот
- Споделете на:
Руската војска изврши уште еден масовен напад со беспилотни летала во неколку делови од Украина.
Во јужниот украински град Одеса, две лица загинаа откако напади со беспилотни летала погодија станбена зграда и неколку здравствени установи, вклучително и болница, соопштија официјални лица.
Украинскиот претседател Володимир Зеленски, исто така, изјави дека 13 лица се повредени како резултат на овој напад.
Напад е извршен и во украинскиот главен град Киев, при што се повредени најмалку четири лица и се оштетени големи делови од 7 од 10-те окрузи во градот, објави Би-Би-Си.
Според Зеленски, Русија лансирала приближно 315 дронови преку ноќ низ целата земја.
Нападот што се случи ноќе „беше еден од најголемите напади во Киев“, напиша украинскиот претседател на социјалните мрежи.
Според Зеленски, други делови од земјата, како што се Днепарскиот и Черниховскиот регион, исто така биле цел на напади.
Овие случувања следат по масовните напади со беспилотни летала од пред неколку дена, исто така започнати од Русија кон Украина, што послужија како одговор на нападите на официјален Киев на руска територија.
Рускиот претседател Владимир Путин, во телефонски разговор пред неколку дена со својот американски колега Доналд Трамп, вети дека ќе возврати за нападите.
Москва и Киев се вратија на преговарачката маса за прв пат по повеќе од три години, но освен договорот за размена на воени заробеници, немаше видлив напредок.
