Најмалку 12 загинати во бродска несреќа во Ла Манш

Најмалку 12 лица загинаа во близина на брегот на северна Франција, откако брод со десетици мигранти се преврте во вторникот наутро, соопштија властите цитирани од француските медиуми.

Француската крајбрежна стража соопшти дека наскоро ќе обезбеди информации за операцијата за пребарување и спасување, јавува Би-Би-Си.

Голема операција за пребарување и спасување е во тек на Ла Манш по превртувањето на чамецот.

Сè уште не е јасно колку луѓе имало на бродот кога се превртел крај брегот на Ле Портел во северна Франција.

Попладнево се очекува да го посети теренот министерот за внатрешни работи Џералд Дарманин.