-
Превод: Флутура Гаши-Мехмети
- 5 октомври 2025 12:32 часот
- Споделете на:
Спасувачките операции беа во тек во неделата за да се воспостави пристап до камповите на источната падина на Монт Еверест во Тибет, каде што речиси 1,000 луѓе се заглавени поради снежна бура што ги блокираше патиштата, според извештаите на кинеските државни медиуми.
Стотици локални жители и спасувачки екипи се распоредени за да помогнат во отстранувањето на снегот што го блокира пристапот до областа, која се наоѓа на надморска височина од над 4,900 метри, според извештајот на „Џиму њуз“.
Некои туристи веќе се спуштиле од планината, се наведува понатаму во извештајот.
Снежните врнежи започнаа во петокот навечер и продолжија во текот на целата сабота, според најавите на официјалните сметки на WeChat на локалната туристичка компанија од округот Тингри, која соопшти дека продажбата на билети и влезот во панорамската област Еверест се суспендирани од саботата.
Веднаш преку границата, во Непал, 47 лица загинаа во поројни дождови и ненадејни поплави од петокот.