Американскиот претседател Џо Бајден во среда ќе биде домаќин на новоизбраниот претседател Доналд Трамп во Овалната соба, објави во саботата Белата куќа.
Таквата средба е вообичаена меѓу претседателот во заминување и идниот претседател и делумно е наменет да го означи почетокот на мирниот трансфер на власта во американската демократија.
Републиканецот Трамп не го пречека демократот Бајден по победата на претседателските избори во 2020 година.
Поранешниот претседател Трамп повторно се кандидираше на овогодинешните избори и ја победи потпретседателката Камала Харис.
Како и претседателот Гровер Кливленд во доцните 1800-ти, Трамп ќе служи два одделни мандати како 45-ти и 47-ми претседател на Соединетите држави.
Белата куќа објави дека Бајден минатата среда му се јавил на Трамп за да му честита и да го покани да се сретнат во Овалната соба.
Во говорот што го одржа во четвртокот, Бајден рече дека го уверил Трамп за уредна транзиција на власта.
Нивната средба е закажана за 11:00 часот.
