-
Превод: Флутура Гаши-Мехмети
- 25 август 2026 12:46 ч
- Споделете на:
SHBA-ja ka larguar Sirinë nga lista e shteteve sponsorizuese të terrorizmit pas 47 vjetësh, duke hequr ato që i ka cilësuar si “pengesat e fundit të mëdha” për investimet e sektorit privat në vend dhe riintegrimin e tij në ekonominë globale.
Sekretari amerikan i Shtetit, Marco Rubio, ka thënë se ky vendim është marrë në shenjë njohjeje për veprimet pozitive të qeverisë siriane për t’u distancuar plotësisht nga aktet e terrorizmit ndërkombëtar.
Administrata Trump ka krijuar marrëdhënie të mirë me presidentin e ri të Sirisë, Ahmed al-Sharaa, një ish-militant ndaj të cilit dikur ishte vendosur një shpërblim nga SHBA-ja, kur ai ishte udhëheqës i një fraksioni të lidhur me al-Qaeda-n.
Edhe grupi i tij islamist, Hayat Tahrir al-Sham (HTS), është hequr nga lista amerikane e organizatave terroriste ndërkombëtare.
HTS, i njohur më parë si Fronti al-Nusra, ishte degë e al-Qaeda-s në Siri deri në vitin 2016, kur Sharaa ndërpreu lidhjet me rrjetin xhihadist.
исто така
Војната со Иран се шири кон Црвеното Море и Каспиското Море, САД се откажуваат од напади
Në fund të vitit 2024, HTS udhëhoqi ofensivën e rebelëve që rrëzoi ish-presidentin Bashar al-Assad dhe aktualisht dominon administratën kalimtare të Sharaas.
SHBA-ja shpreson ta afrojë Sirinë me sferën e saj të ndikimit dhe jo me atë të Rusisë apo Kinës. Por rreziqet mbeten të mëdha, pasi Siria është ende larg të qenit e sigurt dhe i mungon një qeverisje përfaqësuese. Vendi është gjithashtu në qendër të tensioneve në rritje mes fqinjëve të tij, Izraelit dhe Turqisë.
Rubio ka thënë të hënën se ky vendim, i paralajmëruar fillimisht në korrik, do t'u jepte sirianëve “një rrugë drejt prosperitetit”.
Presidenti sirian, Ahmed al-Sharaa, ka deklarua në një videomesazh pas njoftimit se Siria po "shkarkohet nga një barrë e rëndë" dhe po ecën drejt zhvillimit.
исто така
САД ја укинуваат поморската блокада врз Иран
Syrian President Ahmed al-Sharaa said in a video message that Syria is ‘shaking off a dark burden’ and moving toward development after the United States removed it from its list of state sponsors of terrorism https://t.co/eZ28f6d9jr pic.twitter.com/CCglpVPk1P
- Ројтерс (@Reuter) Август 25, 2026
Heqja e Sirisë nga lista amerikane e shteteve sponsorizuese të terrorizmit, ku vendi ndodhej që nga viti 1979, lë vetëm tri shtete në listë: Kubën, Korenë e Veriut dhe Iranin.
Përfshirja në këtë listë sjell sanksione financiare, kufizime për ndihmën e huaj amerikane dhe eksportet e shitjet e pajisjeve të mbrojtjes. Ajo mund të ndëshkojë gjithashtu individë dhe vende të tjera që bëjnë tregti me shtetin e sanksionuar.
