Руте: Ќе го браниме секој сантиметар од територијата на НАТО

Генералниот секретар на НАТО, Марк Руте, изјави дека нарушувањето на полскиот воздушен простор од страна на руски беспилотни летала во среда, без разлика дали е намерно или не, е неодговорно и опасно. 

„До Путин, мојата порака е јасна: запрете ја војната во Украина, запрете ја ескалацијата на војната, која тој сега во суштина ја води врз невини цивили и цивилна инфраструктура, и запрете го нарушувањето на воздушниот простор на сојузниците. Знајте дека сме подготвени, дека сме будни и дека ќе ја браниме секоја педа од територијата на НАТО“, рече Руте во својот одговор.

Тој рече дека го смета синоќешниот одговор за „многу успешен“.

„Секогаш мора да се осигураме дека сме еден чекор понапред, но мислам дека синоќа покажавме дека сме способни да ја одбраниме секоја педа од територијата на НАТО, вклучувајќи го, секако, и нејзиниот воздушен простор“, додаде Руте.