Американскиот Сенат едногласно го потврди републиканецот Марко Рубио за државен секретар.
Сенатот го поддржа Рубио со гласови од 99:0.
Рубио стана првиот официјален кандидат за Трамп кој доби потврда од Сенатот, само неколку часа откако претседателот положи заклетва.
Во наредните денови се очекуваат гласови и за останатите кандидати на Трамп.
Рубио (53) е гласен критичар на Кина и застапник на Израел. Синот на имигрантите од Куба, наметна остри мерки против комунистичкиот остров и неговите сојузници, особено против владата на претседателот Николас Мадуро во Венецуела.
За време на сослушувањето за потврда, Рубио вети дека САД ќе го променат својот фокус и дека ќе бидат повеќе посветени на американските интереси и помалку зависни од Кина. Тој исто така рече дека политиката на САД е војната во Украина да заврши. Тој рече дека за постигнување на договорот потребни се компромиси од Москва и Киев и предложи Украина да се откаже од својата цел за враќање на сите територии што Русија ги зазеде во последната деценија.
Рубио е првиот човек кој ја извршува функцијата врвен дипломат, кој има латино потекло.
Државниот секретар во Соединетите Американски Држави е една од највисоките и најважните функции во владата. Неговата улога главно вклучува одговорности во областа на надворешната политика и меѓународните односи. Тој ја води надворешната политика, ги претставува САД во светот и раководи со Стејт департментот.
