-
Превод: Флутура Гаши-Мехмети
- 29 април 2026 14:15 ч
- Споделете на:
Цените на нафтата нагло пораснаа по извештаите дека САД се подготвуваат за „проширена“ блокада врз Иран.
Цената на суровата нафта „брент“ се искачи на околу 115 долари за барел во среда, откако падна на нешто над 110 долари во вторник навечер.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеЗголемувањето доаѓа по извештаите на „Волстрит џурнал“ дека американскиот претседател Доналд Трамп им наложил на помошниците да се подготват за продолжување на тековната блокада на иранските пристаништа во обид да ја притисне економијата на земјата.
Иран соопшти дека ќе продолжи да го прекинува сообраќајот низ Ормускиот теснец како одговор на блокадата на САД.
Цената на нафтата значително флуктуираше од почетокот на војната, бидејќи клучниот Ормутски теснец е ефикасно затворен со недели поради конфликтот.
Иран строго го ограничи превозот низ теснецот, низ кој обично минуваат околу една петтина од светските залихи на нафта и течен природен гас, како одговор на нападите на САД и Израел што започнаа на 28 февруари.
Порано овој месец, Техеран предупреди дека секој брод што ќе се приближи до теснецот ќе биде цел.
Потоа САД објавија дека нивните сили ќе пресретнат или ќе ги вратат бродовите што патуваат до или од иранските пристаништа.
