317 ученички се киднапирани во Нигерија

317 средношколки се киднапирани во северозападна Нигерија, соопшти полицијата, што го означи третото масовно киднапирање на ученички во последните три месеци во ескалирачкиот бран напади на руралните средини за кои се обвинуваат вооружени бандитски групи.

Полицајците и армиските службеници „започнаа заедничка операција за пребарување и спасување со цел да се спасат 317 студенти киднапирани од вооружени бандити“, изјави Мохамед Шеху, портпарол на полицијата, пренесуваат странските медиуми.

Во последниве месеци, масовните киднапирања за откуп, насочени кон училиштата, станаа ендемични во нигериската држава, предизвикувајќи стравувања за благосостојбата на учениците и дека и онака ниското ниво на запишување училишта во регионот може дополнително да се намали.

Недостатокот на безбедност остави многу рурални жители и училишта изложени.

Зголемувањето на нападите делумно е поттикнато од значителни владини плаќања во замена за враќање на децата киднапирани од бандити, изјавија официјални лица за странските медиуми, кои сакаа да останат анонимни. Нигериската влада редовно ги негира таквите плаќања.

Минатата недела, неидентификувани вооружени лица убија ученик во напад во текот на ноќта врз интернат во централна Нигерија и киднапираа 42 лица, меѓу кои 27 ученици. Заложниците се уште не се ослободени, бидејќи не е извршена потребната исплата.