-
Превод: Блерта Хаџиу
- 8 мај 2026 11:47 часот
- Споделете на:
Делумните резултати објавени во петокот од локалните избори во Англија покажаа големи загуби за владејачката Лабуристичка партија на британскиот премиер Кир Стармер и победи за крајно десничарската партија Реформа на Велика Британија.
Овие избори се сметаат за неофицијален референдум за Стармер, чија популарност нагло опадна од неговиот избор пред помалку од две години, бидејќи гласачите стануваат сè понезадоволни од економскиот раст и големите промени ветени по 14 години конзервативна влада, пренесува АП.
Поддржете го ВРЕМЕЗачувај ја вистината.
Професионалното новинарство е во јавен интерес. Вашата поддршка му помага да остане независно и кредибилно. Придонесете и вие. 1 евро прави разлика.
Писмо до читателот — Зошто бараме ваша поддршка ПридонесетеСтармер рече дека ја презема одговорноста за резултатите, но нагласи дека нема да поднесе оставка.
„Гласачите испратија порака за темпото на промените и како сакаат да им се подобри животот“, рече тој. „Бев избран да се соочам со овие предизвици и нема да си заминам со земјата во хаос.“
Партијата „Реформа Велика Британија“, предводена од ветеранот националистички политичар Најџел Фараж, освои стотици места во локалните совети во работничките области на север, како што е Хартлпул, некогаш сметани за упоришта на лабуристите. Партијата, исто така, постигна победи над конзервативците во области како што е Хеверинг.
Фараж рече дека резултатите означуваат „историска промена во британската политика“.
Се очекува политичкиот пејзаж да се промени во петок, со објавување на резултатите од повеќето локални совети, вклучувајќи ги и традиционалните упоришта на лабуристите како Лондон. Гласовите ќе се пребројуваат и за полуавтономните парламенти во Шкотска и Велс.