Стотици луѓе им оддадоа почит на жртвите на парадата во САД

Стотици луѓе се собраа во паркот во градот Вакеша, Висконсин, палејќи свеќи во чест на оние кои ги загубија животите и беа повредени во нападот на божиќната парада пред неколку дена.

Градоначалникот рече дека ова е само првиот чекор во заздравувањето на раните на заедницата, откако возач влета со својот автомобил во толпата, убивајќи пет лица. Повредени се уште 48 други кои се лекуваат од разни повреди. Волонтерите делеа храна, чоколади и свеќи. На овие бдеења учествуваа и водачи од различни верски вери, како и високи локални и државни функционери.