-
Превод: Флутура Гаши-Мехмети
- 7 август 2025 14:31 ч
- Споделете на:
Обединетите Арапски Емирати би можеле да бидат земјата домаќин на состанокот меѓу рускиот и американскиот лидер, изјави во четврток рускиот претседател Владимир Путин.
„Имаме многу пријатели кои се подготвени да ни помогнат и да организираат ваков настан. Еден од пријателите е претседателот на Обединетите Арапски Емирати. Оваа земја би била едно од најсоодветните места“, рече Путин по средбата во четврток со претседателот на Обединетите Арапски Емирати, шеикот Мохамед бин Зајед Ал Нахјан.
Официјален претставник на Кремљ претходно изјави дека состанокот би можел да се одржи веќе следната недела, иако не е потврден датум.
Средбата меѓу Путин и Трамп би била првиот самит меѓу САД и Русија откако поранешниот претседател Џо Бајден се сретна со лидерот на Кремљ во 2021 година.
Нема гаранција дека средбата Трамп-Путин ќе доведе до крај на борбите, бидејќи Москва и Киев остануваат далеку од своите услови за мир.
Путин ја исклучува можноста за трилатерална средба со Зеленски
Фото: Асошиетед прес
Рускиот претседател Владимир Путин ја отфрли можноста за трилатерална средба со Зеленски.
Зборувајќи со новинарите во Москва во четврток, по состанокот со претседателот на Обединетите Арапски Емирати, шеикот Мохамед бин Зајед Ал Нахјан, Путин рече дека условите за ова не се зрели.
„Постојано повторував дека немам ништо против оваа можност, но за ова мора да се создадат одредени услови. За жал, ние сме многу далеку од создавање такви услови“, рече тој.
Трите рунди разговори меѓу Украина и Русија во Истанбул не успеаја да ја доближат војната до крај, три и пол години откако Москва ја започна својата целосна инвазија.
Воените и политичките предуслови на Москва за мир остануваат неприфатливи за Киев и неговите западни партнери.
Руските барања вклучуваат Украина да стане неутрална држава, значително да ја намали својата војска и да се откаже од своите аспирации за НАТО.
Русија, исто така, бара меѓународно признавање на регионите Донецк, Луганск, Херсон и Запорожје во Украина, како и на анексираниот Крим.
-
Трамп му нуди помош на Путин за постигнување договор со Украина
-
Украина и Обединетите Арапски Емирати постигнаа договор за соработка
-
Зеленски се сретна со лидерот на ОАЕ за време на турнејата низ Персискиот Залив
-
Трамп разговараше со Путин за Украина и Блискиот Исток
-
Путин денес ќе се сретне со претставниците на Трамп за да разговараат за Украина